თუ შეზღუდვების მოხსნამ ინფიცირების რიცხვის ზრდა არ გამოიწვია, 22 მაისს შესაძლებელია საგანგებო მდგომარეობა მოიხსნას

თუ შეზღუდვების მოხსნამ ინფიცირების რიცხვის ზრდა არ გამოიწვია, 22 მაისს შესაძლებელია საგანგებო მდგომარეობა მოიხსნას - თენგიზ ცერცვაძე

COVID-19 - 19:02, 13 May, 2020

747

შეზღუდვების ნაწილობრივ მოხსნამ, თუ ინფიცირების რიცხვის სერიოზული ზრდა არ გამოიწვია, 22 მაისს საგანგებო მდგომარეობის მოხსნა შესაძლებელი იქნება - ამის შესახებ თბილისის ინფექციური საავადმყოფოს გენერალურმა დირექტორმა თენგიზ ცერცვაძემ განაცხადა.

ცერცვაძემ ასევე აღნიშნა, რომ ინფიცირების ზრდაში არ იგულისხმება ერთნიშნა ზრდა ან თუნდაც 20-ის ფარგლებში ზრდას. ამ შემთხვევაში ქვეყანას პრობლემები არ შეექმნება.

„დღევანდელი ეპიდემიოლოგიური სიტუაცია ამის საშუალებას იძლევა, მაგრამ 22 მაისამდე დაახლოებით ერთ კვირაზე ცოტა მეტი დარჩა და მანამდე დაიდება პირველი შედეგები, რა შედეგები მოგვცა შეზღუდვების ნაწილობრივ მოხსნამ. ვიმედოვნებ, რომ 11 მაისიდან, შეზღუდვების ნაწილობრივ მოხსნის შემდეგ, შემთხვევების ზრდა არ იქნება. მხედველობაში არ მაქვს ახალი შემთხვევების ერთნიშნა ციფრი, ან თუნდაც 20-მდე ახალი შემთხვევა, ეს ჩვეულებრივი ამბავია და დიდხანს იქნება, ეს ქვეყანას არავითარ სიძნელეს არ შეუქმნის. ვგულისხმობ იმას, რომ თუ ამან ინფიცირების სერიოზული ზრდა არ გამოიწვია, მაშინ 22 მაისს საგანგებო მდგომარეობის მოხსნა შესაძლებელი იქნება“, - განაცხადა ცერცვაძემ.