რუსეთში კორონავირუსის გავრცელება უპრეცედენტო მასშტაბებს იღებს- უკანასკნელ 24 საათში ინფიცირების ახალი 10 028 შემთხვევა დაფიქსირდა- საერთო ჯამში 242 271 დაავადებულია აღნიშნული ვირუსისგან. ინფორმაციას ქვეყანაში არსებული დაავადებასთან ბრძოლისთვის შექმნილი საგანგებო შტაბი ავრცელებს.

მიუხედავად მასშტაბური გავრცელებისა, გარდაცვლილთა ოფიციალური მონაცემები საგრძნობლად დაბალია და 2212 ადამიანს შეადგენს. რუსეთი მსოფლიოში მესამე ადგილზეა აშშ-სა და ბრიტანეთის შემდეგ საავადმყოფოში ინფიცირებულ პაციენტთა მასშტაბითაც- ამჟამად 192 056 ადამიანი გადის მკურნალობის კურსს სხვადასხვა სამედიცინო პუნქტებში. დიდია აგრეთვე იმ ადამიანთა რიცხვიც, რომელთაც უკვე დატოვეს საავადმყოფოები და სახლში გაიწერნენ- 48 003-მა ადამიანმა კროონავირუსი დაამარცხა.