აშშ-ს საგანგებო სიტუაციების მართვის ფედერალურმა სააგენტომ რუსეთს დაუბრუნა ის სასუნთქი აპარატები, რომელთა ანალოგიურმა მოდელებმა პეტერბურგის წმინა გიორგის სახელობის საავადმყოფოში ხანძარი გააჩინა. ამის შესახებ საგანგებო სიტუაციების უწყების სპიკერი აცხადებს CNN-თან საუბარში. მისი თქმით, აღნიშნული ვენტილატორები ამერიკელებს რუსებმა აპრილის დასაწყისში კორონავირუსის წინააღმდეგ გამოსაყენებლად გაუგზავნეს.

„თავდაპირველად, როდესაც სასუნთქი აპარატების რაოდენობის დეფიციტი შეინიშნებოდა ნიუ-იორკსა და ნიუ-ჯერსიში,ზემოხსენებული მოწყობილობები ამავე შტატების საწყობებში იქნა განთავსებული, რომელთა გამოყენება საბედნიეროდ არ გახდა საჭირო- სასუნთქი აპარატები საავადმყოფოებში არ გადაუნაწილებიათ. სიფრთხილის მაღალი ზომების გათვალისწინებით, შტატები უბრუნებენ ვენტილატორებს საგანგებო სიტუაციების ფედერალურ სააგენტოს. რუსეთის ხელისუფლების მიერ ჩატარებული გამოძიების შემდეგ მიღებულმა დასკვნამ ხელი შეუწყო ჩვენს მოსაზრებასა და გადაწყვეტილებას, რათა აღარ გამოგვეყენებინა სამომავლოდ ზემოხსენებული სასუნთქი აპარატები“- ნათქვამია ამერიკული საგანგებო სიტუაციების მართვის ფედერალური სააგენტოს უწყების განცხადებაში.