ქართველმა წყალბურთელებმა შვეიცარიელებთან გაიმარჯვეს

სპორტი - 17:18, 08 Nov, 2013

2197

საკვალიფიკაციო რაუნდის, ბოლო მესამე ეტაპზე, G ჯგუფში ქართველმა წყალბურთელებმა პირველი შეხვედრა შვეიცარიასთან გამართეს და მეტოქე 24:7 დაამარცხეს.

ქართველებმა მეტოქეს პირველი წუთებიდან აქტიურად შეუტიეს და რვა წუთის განმავლობაში მეტოქეს ექვსი ბურთი გაუტანეს, საკუთარ კარში კი მხოლოდ ორი მიიღეს.

მეორე რვაწუთიანი მონაკვეთიც ასეთივე ანგარიშით დასრულდა. ვლადიმერ ისელიძის გუნდს არც მესამე-მეოთხე პერიოდებში დაუთმიათ ინიციატივა და ქართველებმა საბოლოოდ 24:7 გაიმარჯვეს. ეროივნული გუნდის შემადგენლობაში განსაკუთრებით კონსტანტინე გეგელაშვილმა და მარინო ფრანიჩევიჩმა იყოჩაღეს, რომლებმაც შვეიცარიელებს 5-5 ბურთი გაუტანეს.

შემდეგ შეხვედრას ქართველი წყალბურთელები 8 ნოემბერს მალტასთან გამართავენ.

ევროპის 16 ქვეყნის წყალბურთელები კონტინენტის 2014 წლის პირველობის ფინალური ეტაპის 6 საგზურის მოსაპოვებლად საკვალიფიკაციო ტურნირში მონაწილეობენ. ორი რაუნდის შემდეგ, საქართველოს 31 ქულა აქვს და მოწინავე პოზიციებს ინარჩუნებს.

პორტო. 2013 წლის 7 ნოემბერი
ევროპის 2014 წლის ჩემპიონატის მესამე საკვალიფიკაციო რაუნდი
საქართველი 24:7 შვეიცარია
6:2, 6:2, 5:1, 7:2

საქართველო: ზურაბ ჭუმბურიძე, ბექა ქენქაძე (2), დამირ ცრეპულია (1), მარკო ელეზი (2), გალაქტიონ ლაითაძე (1), მარკო ელაჩა, გიორგი ხვედელიანი (1), მიხეილ ბაღათურია (1), ზურაბ რურუა (3), კონსტანტინე გეგელაშვილი (5), ტატო ნიკოლეიშვილი (2), მარინო ფრანიჩევიჩი (5), ბექა კაპანაძე. მთავარი მწვრთნელი ვლადიმერ ისელიძე, მწვრთნელი იოვან პოპოვიჩი.

შვეიცარია: ფილიპ ფრეი, კევინ მიულერი (1), რიკარდო ლუკატო (2), მარკ ჰერცოგი, ოლივერ ფროჰლი, აზედინ ელ მეჰრეკი (1), ოლივერ გალიასი, შტეფან ველიკოვი (1), ამადეო კასინა (1), პეტარ ბიელაჯაკი (1), მაქსიმ ლემანი, როგერ ფრეი, დომაჯი ოდრლინი.

G ჯგუფი

7 ნოემბერი

საქართველო - შვეიცარია 24:7
მალტა - ბელარუსი 9:3
პორტუგალია - სლოვაკეთი

8 ნოემბერი

შვეიცარია - სლოვაკეთი
საქართველო - მალტა
პორტუგალია - ბელარუსი
სლოვაკეთი - მალტა
საქართველო - ბელარუსი
შვეიცარია - პორტუგალია

9 ნოემბერი

შვეიცარია - ბელარუსი
საქართველო - სლოვაკეთი
მალტა - პორტუგალია

10 ნოემბერი

შვეიცარია - მალტა
სლოვაკეთი - ბელარუსი
საქართველო - პორტუგალია

ფოტო: თამუნა ყულუმბეგაშვილი
საქართველოს სპორტისა და ახალგაზრდობის სამინისტროს პრესსამსახური