ინფექციური საავადმყოფოს კლინიკური დირექტორი, მარინა ეზუგბაია, აცხადებს, რომ ქვეყანაში კორონავირუსისგან განკურნებული პაციენტების რიცხვი მეტია, ვიდრე აქტიური, მიმდინარე შემთხვევები. ეზუგბაიას თქმით, კორონავირუსზე ქვეყანაში 279 პირი მკურნალობს, ხოლო გამოჯანმრტელებულთა რიცხვი 349-მდე გაიზარდა.

"დღეს პირველად შეგვიძლია ვთქვათ, რომ გამოჯანმრთელებულებმა გადააჭარბეს დადასტურებულებს", - ამბობს მარინა ეზუგბაია.

ბოლოპ მონაცემებით, საქართველოში COVID 19-ით ინფიცირების მხოლოდ 1 ახალი შემთხვევა დადასტურდა. ეპიდემიის გავრცელებიდან დღემდე, სულ ვირუსით 639 პირი დაინფიცირდა.

ქვეყანაში კორონავირუსისგან კიდევ 32 პაციენტი განიკურნა, ჯამში გამოჯანმრთელებულთა რიცხვი 349-მდე გაიზარდა. კორონაირუსით გარდაიცვალა 11 ადამიანი.

საკარანტინო რეჟიმში 4 769 პირი იმყოფება, ხოლო სტაციონარში მეთვალყურეობის ქვეშ 414 ადამიანი რჩება.