სამხრეთ კორეის დედაქალაქი, სეული, ახალი ეპიდემიური აფეთქების ზღვარზე დგას, რის გამოც ყველას ღამის კლუბი, ბარი და რესტორანის დაიხურა. ამის შესახებ წერს კორეული მედია.

მედიის ინფორმაციით, უკანასკნელი დღე-ღამის განმავლობაში სამხრეთ კორეაში კოვიდ 19-ით ინფიცირების 18 ახალი შემთხვევა აღინიშნა. ვრცელდება ფაქტები იმასთან დაკავშირებით, რომ 16 ადამიანის ინფიცირების გამომწვევი, ერთი ადამიანი, 29 წლის ახალგაზრდა იყო, რომელიც 1 მაისს რამდენიმე ღამის კლუბში, ბარსა და რესტორანში იმყოფებოდა.

ჯანდაცვის უწყების ხელმძღვანელი პირების თქმით, 29 წლის მამაკაცის კონტაქტების სია იმხელაა, რომ შესაძლოა 1500-მდე ადამიანი იყოს ინფიცირებული კოვიდ 19-ისგან. მთავრობა მოუწოდებს ყველა იმ ადამიანს, რომელიც სტუმრობდა 29 აპრილიდან 6 მაისამდე ბარებსა და ღამის კლუბებს, ჩაიტარონ სკრინინგული გამოკვლევა და თავი შეიკაონ გარეთ გასვლისგან, რათა გამოირიცხოს ვირუსის დამატებითი გადაცემის ფაქტები.

შეგახსენებთ, რომ სამხრეთ კორეა ერთ-ერთი ყველაზე წარმატებული ქვეყანა აღმოჩნდა, რომელმაც კოვიდ 19 თითქმის სრულად დაამარცხა. 10 840 შემთხვევიდან 9568 ადამიანი განკურნეს, ხოლო 256 დაიღუპა. ამ დრომდე რჩება 1016 ადამიანი საავადმყოფოებში, რომელთაც მკურნალობას უტარებენ ექიმები.