მიუხედავად მსოფლიოში არსებული საყოველთაო კარანტინისა, ყოველდიურად მასშტაბურად იზრდება კორონავირუსით ინფიცირებულთა რაოდენობა.

ჯონ ჰოპკინსის უნივერსიტეტის მიერ გავრცელებული ოფიციალური მონაცემების თანახმად, დგინდება რომ დაავადების რიცხვმა უკვე გადააჭარბა 4 მილიონს. შედარებით ნელი ტემპით იზრდება გამოჯანმრთლებულთა რაოდენობაც, რომელმაც უკვე 1 387 527 შეადგინა. საავადმყოფოებსა და სამედიცინო პუნქტებში ამ დრომდე რჩება 2 300 000-ზე მეტი პაციენტი, რომლებსაც აქტიურ მკურნალობას უტარებენ კორონავირუსზე.

განსაკუთრებით მასშტაბურ ვირუსის გავრცელება გახლავთ ამერიკის შეერთებულ შტატებში, სადაც ფატალური შემთხვევების რაოდენობა უკვე 79 000-მდეა. შექმნილი ვითარების ფონზე, ქვეყნის ჯანდაცვის უწყებები მოუწოდებენ მთავრობას, არ მიიღონ ნაადრევი გადაწყვეტილება ეკონომიკური საქმიანობების აღდგენასთან დაკავშირებით, რადგან მსგავსი გადაწყვეტილება გამოიწვევს სამედიცინო კოლაფსს, რომლის ფონზეც ვირუსის რამდენიმე ტალღა დაატყდება სახელწიფოს, რომელთანაც გამკლავება შესაძლოა შეუძლებელი გახდეს.

მძიმეა აგრეთვე სიტუაცია რუსეთშიც, სადაც ევროპაში ვირუსის გავრცელების მთავარი ეპიცენტრია- უკვე 7 დღეა, რაც დაავადებით ინფიცირების ყოველდღიური შემთხვევების რაოდენობა სტანდარტულად 10 000-ს აღემატება. მოსკოვის მერის განცხადებით, შესაძლოა 300 000-ზე მეტი ინფიცირებული მხოლოდ ქვეყნის დედაქალაქში იყოს.