ხმაური და დაპირისპირება ბათუმში - სამართალდამცველებმა მთავრობის სახლთან სამი პირი დააკავეს.

აქციის მონაწილეები რეზო წულუკიძისა და ელდარ არძემაძის დაკავებას აპროტესტებდნენ. წულუკიძე და არძემაძე ორი დღის წინ დააკავეს. ოჯახის წევრების მტკიცებით, ისინი უკანონოდ არიან დაკავებულნი,.

დაპატიმრებული პირების ოჯახის წევრები აცხადებენ, რომ რამდენიმე დღის წინ დაპირისპირება მოხდა რეზო წულუკიძესა და ერთ-ერთ ბათუმელს შორის, რის შემდეგაც რეზო წულუკიძე და ელდარ არძენაძე ცივი იარაღით დაჭრეს, თუმცა პოლიციამ ისევ ისინი დააკავა.

ოჯახის წევრების მტკიცებით, რეალურ დამნაშავებს ხელს აფარებენ და უდანაშაულო ადამიანები ისჯებიან.