8 მაისის დილის მონაცემებით რუსეთის მიერ ოკუპირებული ცხინვალის რეგიონში კორონავირუსით დაინფიცირების 4 ახალი შემთხვევა გამოვლინდა და დაავადებულთა საერთო რიცხვმა 15-ს მიაღწია.

სულ რეგიონში კარანტინის რეჟიმში, ექიმთა მეთვალყურეობის ქვეშ 244 ადამიანი იმყოფება.

ამის შესახებ ინფორმაციას მთავარი სანიტარული ექიმი მარინა კოჩიევა ავრცელებს. მისი სტყვებით, დაავადებულები ცხინვალის ინფექციურ საავადმყოფოში არიან მოთავსებული.

69 ახალი დაინფიცირების შემთხვევა დაფიქსირდა ჩრდილოეთ ოსეთშიც და აქ დაავადებულთა რიცხვმა 1505 მიაღწია.