სამძებრო ღონისძიებების მეოთხე დღე თუშეთი-ომალოს გზაზე - მაშველები ზვავში მოყოლილი 62 წლის ზურა ოთურიძის პოვნას ვერ ახერხებენ.

ოთურიძის ოჯახი სამძებრო სამაშველო სამუშაოების არაფეფექტურად ჩატარებაზე საუბრობენ და უკმაყოფილებას გამოთქვამენ.

"ტექნიკა არ აქვთ. აქვთ მეტრიანი ნიჩბები და მარტო ჩიჩქნიან. იმხელა თოვლს ნიჩბით ვერ გადაყრი. სადაც მნახველები ვარაუდობდნენ რომ იქ იქნებოდა ჩემი ძმა, პოლიციამ და თუშეთის გამგებელმა ტრაქტორები ჩააქრობინეს და ჩამოიყვანეს ლალისუყრში"- ამბობს დაკარგულის და.

ადგილზე 5 სამაშველო ჯგუფი მუშობს.

ცნობისთვის, თუშეთის გზის აღნიშნულ მონაკვეთზე ზვავის ჩამოწოლის შესახებ ინფორმაცია შინაგან საქმეთა სამინისტროს საზოგადოებრივი უსაფრთხოების მართვის ცენტრ „112"-ში 5 მაისს შევიდა. ზარის ინიციატორის განცხადებით, შემთხვევის შედეგად დაშავებული იყო ორი მოქალაქე, მათ შორის ერთის ამოყვანა მაშველებმა მოახერხეს. იგი საავადმყოფოში გადაიყვანეს, მეორეს კი ამ დრომდე ეძებენ.