ინგლისის ბანკის პროგნოზის თანახმად, კორონავირუსით ვითარების ფონზე დიდი ბრიტანეთის ეკონომიკა უაკანსკნელი 300 წლის განმავლობაში ყველაზე უარესი კრიზისისკენ მიემართება.

ცენტრალური ბანკი აღნიშნავს, რომ გაერთიანებული სამეფოს ეკონომიკა მხოლოდ 2020 წლის განმავლობაში 14 %-ით შემცირდება. აღნიშნული ციფრების გათვალისწინებით, ეს იქნება 1706 წლის შემდეგ ერთი წლის განმავლობაში ეკონომიკის ყველაზე მძიმე ვარდნა.

საფინანსო უწყებების მიერ გამოქვეყნებულ მოხსენებაში, სადაც შეფასებულია პანდემიის მიერ გამოწვეული ზარალი ეკონომიკაზე, აღნიშნულია, რომ ბრიტანეთის მთლიანი შიდა პროდუქტი 3% -ით არის შემცირებული მიმდინარე წლის პირველ მეოთხედში. ინგლისის ბანკში აღნიშნავენ, რომ მეორე მეოთხედში მშპ შემცირდება 25 %-ით, რაც გამოიწვევს იმას, რომ ქვეყნის ეკონომიკა 2019 წელთან შედარებით 30 %-ით მცირე იქნება. უმუშევრობის რიცხვი კი ნავარაუდებია, რომ გაიზრდება 9 %-მდე.

ბრიტანეთში ცენტრალურმა ბანკმა საპროცენტო განაკვეთები შეამცირა რეკორდულად დაბალ ნიშნულამდე მარტის თვეში და $248 მილიარდი დოლარის ობლიგაციების შესყიდვის პროგრამა წამოიწყო, რომელიც განკუთვნილი იყო იმისთვის რათა მომხდარიყო მომდევნო კვირეების მანძილზე ჩამკეტი ზომების განხორციელება და წარმოების დაკარგვის შედეგად გამოწვეული ეკონომიკური შოკის წინააღდეგ გატარებულიყო შესაბამისი ღონისძიებები.

გაერთიანებული სამეფოს ცენტრალურ ბანკში პროგნოზირებენ, რომ სწრაფი ეკონომიკური გაჯანსაღება შესაძლებელია, მოხდეს მომავალ წელს, თუმცა ექსპერტები აღნიშნავენ, რომ ყველაფერი დამოკიდებულია იმაზე, თუ როგორ განვითარდება პანდემია.