ინდოეთში ინდუსტრიული საწარმოდან გაზის გაჟონვის შედეგად 8 ადამიანი გარდაიცვალა და 1000-ის ჰოსპიტალიზება გახდა საჭირო. 1000-მდე ადამიანი, რომელიც ქარხნიდან 3 კილომეტრის რადიუსში ცხოვრობს, აცხადებს, რომ აღენიშნებათ სუნთქვასთან დაკავშირებული გართლებები და დამწვრობის შეგრძნება თვალებში. ადგილობრივი მედიის ინფორმაციით, ათეულობით ადამიანი ქუჩაში დაეცა გაქცევის მომენტში, რადგან მომწამვლავი გაზით მოხდა მათი ინტოქსიკაცია.

საპორტო ქალაქ ვისაჰაფატმანში პოლიციელთა დაყრდნობით ვრცელდება ინფორმაცია, რომ 90-მდე ადამიანი ამ დრომდე უგონო მდგომარეობაში იმყოფება, რომლებიც მოთავსებულნი არიან სამედიცინო პუნქტებში. გარდაცვლილთა შორისაა აგრეთვე 8 წლის გოგონაც.

გავრცელებული ინფორმაციით, გაზის გაჟონვა ქარხნიდან იმის გამო მოხდა, რომ კორონავირუსის ფონზე დაწესებული კარანტინის პირობებში მისი მუშაობა შეჩერებული იყო.გაზმა მას შემდეგ გაჟონა, რაც ცეცხლი გავრცელდა ზემოხსენებულ ზონაში. თვითმხილველთა თქმით, გაზი ნისლის სახით გავრცელდა, რომელმაც მიმდებარე ტერიტორია სრულად მოიცვა, რის გამოც ადამიანებს თავიანთ სახლებშიც კი აღარ შეეძლოთ თავისუფლად სუნთქვა.