პირველი საუნივერსიტეტო კლინიკის ხელმძღვანელმა, ლევან რატიანმა განაცხადა, რომ ბოლო პერიოდში, მთელი ქვეყნის მასშტაბით შემცირდა ინფიცირებულთა გამოვლენა.

„ინფიცირებულთა რაოდენობის შემცირება ყველა მათგანს, მათ შორის მე და კლინიკის მედპერსონალს გვახარებს“, – განაცხადა რატიანმა.

მისი თქმით, პირველ საუნუვერსიტეტო კლინიკაში მყოფი კოვიდინფიცირებული მედპერსონალიდან ერთი უკვე გაწერილია და დანარჩენების მდგომარეობა სტაბილურია.

„რაც შეეხება მედპერსონალს, რომელიც ჩვენს კლინიკაშია, ერთი მათგანი გაეწერა, რამდენიმე რჩება, მათი მდგომარეობა სტაბილურია. როგორც კი, „კოვიდინფექციის“ პროტოკოლის პერიოდი გავა, კვლევა განმეორდება და საბედნიეროდ, ისინიც რამდენიმე დღეში დატოვებენ კლინიკას“, – განაცხადა ლევან რატიანმა.