თურქეთში ყველა მთავარი ავტო ქარხანა განაახლებს მუშაობას 11 მაისიდან- ამის შესახებ ინფორმაციას ადგილობრივი მედია ინდუსტრიისა და ტექნოლოგიების მინისტრ, მუსტაფა ვარანკზე დაყრდნობით ავრცელებს.

“საავტომობილო ქარხნების უდიდესმა ნაწილმა უკვე განაახლა წარმოება. ზოგიერთი ტექსტილის გადამამუშავებელი კომპანიაც უბრუნდება ცხოვრების ჩვეულ რიტმს- მოლებისა და საექსპორტო არხების ნორმალიზების კვალდაკვალ აღნიშნულ სექტორი მალე გაჯანსაღდება“ .

ოფიციალურმა ანკარამ ვირუსის შეკავების ღონისძიებებს მას შემდეგ მიმართა, რაც პირველი შემთხვევა აღინიშნა ნაადრევად მარტში. დაწესდა გადაადგილების შეზღუდვები 31 მთავარ ქალაქში, სადაც დაიხურა სკოლები, რესტორნები, ბარები და მაღაზიები. მიუხედავად შექმნილი მძიმე ვითარებისა, პრეზიდენტმა ერდოღანმა განაცხადა, რომ თურქეთი კარანტინის ზომების შემსუბუქებას ეტაპოვრივად დაიწყებს მაისში.

„“11 მაისიდან მუშაობას განაახლებენ სილამაზის და სპა სალონები, სავაჭრო ცენტრები. 10 მაისს 65 წელს ზემოთ ასაკის პირები 11 საათიდან 15 საათამდე სასეირნოდ გასვლას შეძლებენ. 13 მაისს 14 წლამდე ასაკის მოზარდები სასეირნოდ გავლენ, ხოლო 15-იდა 20 წლამდე ასაკის ახალგაზრდები 15 მაისის შემდეგ შეძლებენ გასვლას“ - აღნიშნა ერდოღანმა.

შეგახსენებთ, რომ თურქეთში კოვიდ 19-ით ინფიცირების 129 000-ზე მეტი შემთხვევა დაფიქსირდა, რომელთაგან 3520 ფატალური აღმოჩნდა. 52 000-ზე მეტი ადამიანი ამ დრომდე საავადმყოფოებში იმყოფება.