რთულია იმის თქმა როდრიგეს დე დუარტი იღბლიანი ადამიანია თუ უიღბლო, რადგან ნებისმიერ შემთხვევაში ეს დღე მისთვის კოშმარად იქცა, თუმცა ფაქტია, რომ ის წარმოუდგენელ ტრაგედიას გადაურჩა.

46 წლის ქალი, რომელსაც საკვერცხის კიბო აქვს, გარდაცვლილად გააფორმეს. უფრო მეტიც, ის დასაკრძალ ტომარაში იყო, როდესაც გამოიღვიძა და მოძრაობა დაიწყო.

რთული დღე იყო დაკრძალვის ორგანიზატორებისთვისაც, რადგან ისინი რუტინულ სამუშაოს ასრულებდნენ, რა დროსაც დასაკრძალმა ტომარამ მოძრაობა დაიწყო. რაც შეეხება როდრიგეს დუარტეს, ის შეშფოთებული იყო, რაზეც მისი გულისცემაც მეტყველებდა, როდესაც სან ფერნანდოს კლინიკაში მიიყვანეს.

დუარტი საავადმყოფოში 09:30 საათზე მიიყვანეს, ხოლო 11:20 საათისთვის ის გარდაცვლილად დაადეკლარირეს. ოჯახის წევრები აღნიშნავენ, რომ ეს არ არის მხოლოდ გაუგებრობა, ეს არის წარმოუდგენელი არაპროფესიონალიზმი.

როგორც პარაგვაის პოლიცია აღნიშნავს, უგონო მდგომარეობაში მყოფი პაციენტი ადგილობრივ დამკრძალავ სახლში იქნა ტრანპსორტირებული, სადაც გაირკვა, რომ ექიმ ვერას დიაგნოზი იყო არაზუსტი.

ამჟამად „მკვდრეთით აღმდგარი“ პაციენტის მდგომარეობა არის სტაბილური. ექიმ ვერას კოლეგები კი აღნიშნავენ, რომ ქალბატონის მეუღლის საჩივარი უსაფუძვლოა.