ოფიციალური იერუსალიმი აცხადებს, რომ კორონავირუსის საწინააღმდეგო მკურნალობის კუთხით უკვე გააჩნიათ „უმნიშვნელოვანესი მიგნება“. ისრაელის თავდაცვის მინისტრის თქმით, კოვიდ 19-ის ანტისხეულები ინახება უმთავრეს ბიოლოგიურ საკვლევ ლაბორატორიაში.

ისრაელი გახლავთ ერთ-ერთი იმ ათეულობით სახელმწიფოთაგან, რომლებიც იბრძვიან სათანადო სამკურნალო წამლისა და ვაქცინის შესაქმნელად კორონავირუსის წინააღმდეგ.

''მონოკლონური ნეიტრალიზაციის ანტისხეულს, რომელიც შექმნილია ისრაელის ბიოლოგიური კვლევის ინსტიტუტის მიერ, შეუძლია გაანადგუროს ადამიანის სხეულში კორონავირუსის მატარებლები“ - განაცხადა ისრაელის თვდაცვის მინისტრმა ნაფტალი ბენეტმა. მან აღნიშნა, რომ სწორედ ლაბორატორიაში ყოფნის დროს გაუმხილეს და აჩვენეს მას კორონავირუსის საწინააღმდეგო ანტიდოტი.

თავდაცვის უწყების ხელმძღვანელმა ისრაელის ბიოლოგიური კვლევის ინსტიტუტის დირექტორის, შუელ შაპირას განცხადებიდან გაიმეორა ერთ-ერთი ციტატა მედიასთან საუბრისას და აღნიშნა, რომ ანტისხეულის ფორმულა უკვე გამოგონებულია, რომლის შემდეგაც საერთაშორისო მწარმოებლები იფიქრებენ მათ მასობრივ გამოშვებაზე.

ისრაელის ბიოლოგიური ლაბორატორია ხელს უწობს ებრაული ჯანდაცვის სისტემის ძალისხმევას, რათა შეიქმნას სამკურნალო საშუალება და ვაქცინა კოვიდ 19-ის წინააღმდეგ.

ებრაელები აქტიურად იყენებენ ანტისხეულების ნიმუშებით ტესტების ჩატარებას კოვიდ ინფიცირებულ პაციენტებზე, რომლის შემდეგაც ჯანმრთელი ადამიანებისგან იღებენ ანტისხეულებს და ახორციელებენ დაკვირვებებს. გავრცელებული ინფორმაციით, სწორედ კორონავირუს გადალახულ პაციენტების სისხლში შემავალი ცილები და გარკვეული პროტეინები გახდნენ უმნიშვნელოვანესი კომპონენტი კოვიდ 19-ის საწინააღმდეგო სამკურნალო საშუალების შესაქმნელად.

გავრცელებული ინფორმაციით, ისრაელის ბიოლოგიურ ლაბორატორიაში არსებული კოვიდ 19-ის საწინააღმდეგო ანტისხეული მონოკლონურია, რაც ნიშნავს იმას, რომ იგი წარმოშობილია ერთი გამოჯანმრთელებული უჯრედიდან და მაშასადამე მას აქვს უდიდესი პოტენციალი კორონავირუსიანი პაციენტის მკურნალობაში.