ამერიკის ფინანსთა სამინისტროს ოფიციალური განცხადებით, იგეგმება 2020 წლის მეორე მეოთხედში ისესხონ 3 ტრილიონი დოლარი, რადგან ფედერალური მთავრობა ცდილობს კორონავირუსის კრიზისით გამოწვეული მძიმე შედეგების აღმოფხვრას. აღნიშნული თანხა 5-ჯერ მეტია აქამდე არსებულ რეკორდულ ვალზე, რომელიც მთავრობას აუღია ეკონომიკის სტიმულირებისთვის 2008 წლის ეკონომიკური კრიზისის დროს.

უკანასკნელი დაფინანსების პაკეტი შეფასებულია, როგორც ქვეყნის ეკონომიკის საერთო ღირებულების 14 %-ად. გავრცელებული ინფორმაციით, 3 ტრილიონი დოლარი მოხმარდება ვირუსის საწინააღმდეგო წამლებისა და ვაქცინის შემუშავებისთვის აუცილებელ ხარჯებს, აგრეთვე სამედიცინო აღჭურვილობითა და შესაბამისი ტექნიკით საავადმყოფოების მომარაგებას. თანხის უდიდესი ნაწილი კი მოსახლეობის დახმარებისთვის , კერძო სექტორში არსებული მცირე და საშუალო ბიზნეს კომპანიების გაკოტრებისგან გადასარჩენად გამოიყოფა.

ზემოხსენებულ ინიციატივას მხარს რესპუბლიკური პარტიის წევრთა ნაწილი ეწინააღდეგება, რადგან მიაჩნიათ, რომ ამ ოდენობის თანხის სესხებით ძალზე გაიზრდება ქვეყნის საგარეო ვალი, რომელიც მომავალში ქვეყნის ეკონომიკაზე მძიმედ აისახება. შეგახსენებთ, რომ აშშ-ს ამ დროისთვის 25 $ ტრილიონ დოლარამდე საგარეო ვალი აქვს.