ვენესუელის პრეზიდენტის, ნიკოლას მადუროს თქმით, სამართალდამცავმა უწყებებმა დააკავეს 13 ტერორისტი, მათ შორის ამერიკის ორი მოქალაქე, რომლებიც ცდილობდნენ მთავრობაში დივერსიის მოწყობას და მისი თანამდებობიდან გადაყენებას. ქვეყნის მეთაურმა სატელევიზიო მიმართვისას აღნიშნა, რომ ზემოხსენებული თავდასხმა შეთანხმებული და კოორდინირებული იყო ვაშინგტონთან. თავდასმსხმელები სამხრეთ ამერიკულ ქვეყანაში კარიბის ზღვის აუზით შევიდნენ.

ვენესუელის უსაფრთხოების სამსახურებით თქმით, წარუმატებელი თავდასხმის დროს, 8 დივერსანტი გარდაიცვალა ორმხრივი სროლის ფონზე. მადურომ მედიას წარუდგინდა ორი ამერიკელი ვეტერანი მებრძოლის, აირან ბერისა და ლუკ დენმანის პასპორტები და საიდენტიფიციო ბარათები, რომლებიც პატიმრობაში იმყოფებოდნენ თანამშრომლობდნენ ჯორდან გუდრეუსთანმ ვეტერან ამერიკელ სამხედროსთან, რომელიც ფლორიდაში არსებულ უსაფრთხოების კომპანიას ხელმძღვანელობს.

„ისინი რემბოს როლს თამაშობდნენ. ცდილობდნენ, გმირები ყოფილიყვნენ“- განაცხადა მადურომ , რომელმაც აგრეთვე აღნიშნა, რომ ვენესუელის უსაფრთხოების სამსახურებმა მანამდე გაიგეს აღნიშნული ოპერაციის შესახებ, სანამ ოფიციალურად დაიწყებოდა ის.

გუდროუმ , რომელმაც საკუთარი თავი დაასახელა ზემოხსენებული თავდასხმის ორგანიზატორად, როიტერთან საუბარში ორშაბათს განაცხადა, რომ ბერი და დენმანიც მონაწილეობდნენ მასთან ერთად ოპერაციის დაგეგმვაში- „ისინი ჩემთან მუშაობენ. ესენი ჩემი ბიჭები არიან“ . მისი თქმით, ისინი აპირებდნენ მადუროს დაპატიმრებას და ვენესუელის გათავისუფლებას. დაპატიმრებული ორი ჯარისკაცი მასთან ერთად მსახურობდა ამერიკის არმიაში ერაყსა და ავღანეთში.

ამერიკის სახელმწიფო დეპარტამენტს მომხდარ ფაქტსა და სავარაუდო დაპატიმრებებთან დაკავშირებით ოფიციალური კომენტარი არ გაუკეთბიათ გარდა იმისა, რომ ოფიციალური ვაშინგტონი უარყოფს რაიმე ჩართულობს სხვა ქვეყნის ტერიტორიაზე შეჭრაში.