უხანში დამამთავრებელი კლასის სკოლის მოსწავლეებისთვის ჩინეთის ქალაქ უხანში, საიდანაც კორონავირუსის გავრცელება დაიწყო, სწავლა ოთხშაბათიდან აღდგება. „6 მაისიდან ყველა უფროსკლასელი დაბრუნდება სკოლაში და ამ ფაქტით მოხდება ახალი სასწავლო წლის გეგმის დასახვის აღნიშვნა“- განაცხადა უხანის განათლების სისტემის ბიუროს ხელმძღვანელმა.

განათლების სისტემის წარმომადგენელთა განცხადებით, უფროსკლასელი მოსწავლეები სასწავლებელში დაბრუნებისთანავე მოემზადებიან ჩინეთის უნივერსიტეტის გამოცდებისთვის, რომელიც ერთი თვით გადაიდო და ივლისში გაიმართება. უხანში შეიმუშავეს სამეტაპიანი გეგმა, რათა დაეხმარონ სტუდენტებს, გადაეწყონ თავიანთ საგანმანათლებლო სისტემაში ონლიან სწავლებიდან სტანდარტულ მექანიზმზე. აღნიშნულ ღონისძიებაში მოსწავლეებს გაუწევენ აგრეთვე ფსიქოლოგიურ დახმარებას.

გავრცელებული ინფორმაციით, ამ დროისთვის მხოლოდ დამამთავრებელი კლასის მოსწავლეებს დააბრუნებენ სკოლაში. საგანმანათლებლო ბიუროს თქმით, ახალგაზრდა მოწაფეები ეტაპობრივად დაბრუნდებიან სკოლაში, თუმცა როდიდან დაიწყება ეს პროცესი ამ დრომდე არ კონკრეტდება.