რუსეთში ასტრახანისა და კამიზიაკის ეპარქიის სასულიერო პირი, 79 წლის მიტროპოლიტი იონა მოსკოვის 50-ე კლინიკაში კორონავირუსისგან გარდაიცვალა. გავრცელებული ინფორმაციით, მისი დაღუპვის მიზეზი კოვიდ 19-ისგან გამოწვეული ორმხრივი პნეუმონია გახდა.

რუსეთში კოროანვირუსის გავრცელება ძალზე დიდ მასშტაბებს იძენს უკანასკნელი დღეების განმავლობაში. ბოლო 24 საათის მანძილზე ქვეყნის მთელ ტერიტორიაზე კოვიდ 19-ისგან ინფიცირების 10 581 ახალი შემთხვევა დაფიქსირდა. 76 ადამიანი კი გასულ ღმეს გარდაიცვალა. ამ დროისთვის რუსეთის საავადმყოფოებში 125 817 პაციენტი წევს, რომელთაც კორონავირუსი დაუდასტურდათ. 2300-ზე მეტი ადამიანი კი კრიტიკულ ვითარებაში იმყოფება, რომელთა უმრავლესი მათგანი ხელოვნური სუნთქვის აპარატზეა მიერთებული. ხშირია აგრეთვე დაავადების გავრცელება მთავრობის მაღალჩინოსანთა შორის- რამდენიმე დღის წინ ზემოხსენებული ინფექცია დაუდასტურდა ქვეყნის პრემიერ-მინისტრს, მიხეილ მიშუსტინს.