სან ფრანცისკოს პოლიცია დაკარგულ ადამიანს ეძებდა. სამძებრო საქმიანობების ჩატარების დროს პოლიციამ ერთ-ერთი სახლი დაათვალიერა, რა დროსაც მაცივარში ადამიანის მოჭრილი თავი იპოვა. პოლიციის მხრიდან ჯერ-ჯერობით ოფიციალური განცხადება არ გაკეთებულა თუ ვის ეკუთვნის სხეული.

სახლში, სადაც პოლიცია სამძებრო საქმიანობას ატარებდა, ცხოვრობდა კატონო პერეზი, რომელიც 10 აპრილის შემდეგ არ გამოჩენილა. მისი მეგობრები და ოჯახი წუხდა ახლობლის გაუჩინარების გამო და გადაწყვიტა კერძო დეტექტივის დაქირავება. ამასთან, ქალაქის ქუჩებში მის სურათებს არიგებდნენ.