დაავადებათა კონტროლის ეროვნული ცენტრის დირექტორი, ამირან გამყრელიძე მარნეულში ადგილობრივი ხელისუფლების წარმომადგენლებს შეხვდა.

ამირან გამყრელიძემ რეგიონში არსებულ ეპიდსიტუაციასა და კორონავირუსის პრევენციის მიზნით განხორციელებულ ღონისძიებებზე ისაუბრა.

დაავადებათა კონტროლის ეროვნული ცენტრის დირექტორმა ეჭვი გამოთქვა, რომ ბოლნისში, სოფელ მუშევანში "ცოტა პოლიტიკურ პროცესებს აქვს ადგილი".

„მე იმაზეც მაქვს ეჭვი, რომ ბოლნისის მუნიციპალიტეტის სოფელ მუშევანში პოლიტიკურ პროცესებსაც აქვს ადგილი, როგორც ჩანს. ჩვენ ასე მოგვცეს ინფორმაცია, რომ თითქოს მოლა და მუფტი ცუდ როლს თამაშობს. ახლა განმეორებით კვლევებს ითხოვენ. განმეორებითი კვლევები მათ ჩაუტარდებათ 4 დღის შემდეგ, 8 დღის შემდეგ. განმეორებითები არის 3 – 4 დღის შემდეგ და გამოჯანმრთელების შემდეგ, როგორც პროტოკოლით არის განსაზღვრული“, - განაცხადა ამირან გამყრელიძემ.