მოსალოდნელი შიმშილი და გაორმაგებული ფასები პროდუქტებზე - მოსახლეობა ხელისუფლებას უყურადღებობასა და ტყუილში ადანაშაულებს

საზოგადოება - 16:02, 01 May, 2020

1385

მოსალოდნელი შიმშილი და რეკორდულად გაზრდილი ფასები პროდუქტებზე - მოსახლეობა ხელისუფლებას უყურადღებობასა და ტყუილში ადანაშაულებს . ბაზრების მოვაჭრეები აცხადებენ, რომ პროდუქტებზე ფასები გამორმაგებულია.
დრამატულია მდგომარეობა ქუთაისის ბაზარში - აქ ფასებმა ყველანაირი ანტირეკორდი მოხსნა. 100%-ით არის გაზრდილი ბოსტნეულის ფასი, ხილი - 150%-ით, ბურღულეული - 50%-ით .
"4 და 5 ლარი ღირს ხავხი, გაზრდილია ფასი აბა რა არის. ამ მოვაჭრეებმაც რა ქნან. გაზრდილი ფასებით უწევთ ყველაფრის ყიდვა. რითი უნდა იარსებოს ამ ხალხმა, რა უნდა ვქნათ?" - აცხადებს მომხმარებელი.
მოვაჭრეები ამბობენ, რომ ბაზარში მყიდველები არ არიან და მოსახლეობა უჩვეულოდ მცირე რაოდენობებით პროდუქტს ყიდულობს.
"როდის იყო, ქართველი ადამიანი 2- პომიდორს და 2-ბადრიჯანს ყიდულობდა. ახლა იმ მდგომარეობამდეა საქმე, რომ ვერავინ ვერაფერს ყიდულობს. ამას არ ჰქვია მუშაობა. დღეს 1 კილო არაფერი ამიწონია.." - აცხადებენ მოვაჭრეები.
მდგომარეობა მძიმეა ზუგდიდის აგრარულ ბაზარშიც. აქ 1 კილო კარტოფილი 3 ლარამდე, ხახვი კი თითქმის 4 ლარი ღირს. ბაზრები უმეტესად ცარიელია. გამოუვალ მდგომარეობაში არიან მოვაჭრეებიც. მათ დისტრიბუტორებისგან პროდუქტების შეძენა ძვირად მოუწიათ, ახლა კი ვეღარ ვაჭრობენ და სესაძლოა პროდუქტის გადაყრაც კი მოუწიოთ.
"ყველაფერზე მომატებულია ფასი. ამას ისიც ემატება, რომ 1-ყუთში 4 კილო გადასაყრელია. ჩვენ რა შუაში ვართ, რა ვქნათ. დაკეტილი იყო ყველაფერი. მეც ხომ მინდა პურის ფული. არ არის ბაზარში მყიდველი ფასების გაძვირების გამო. მთავრობა ამბობდა ფასები დარეგურილებული იქნებაო და მოგვატყუეს. არაფერი არ არის დარეგურილებული" - აცხადებენ ზუგდიდის აგრარული ბაზრის მოვაჭრეები.