რუსეთში უკანასკნელი 24 საათის განმავლობაში კორონავირუსისგან ინფიცირების რეკორდულად მაღალი, 7933 შემთხვევა დაფიქსირდა, რომელთაგან 96 მათგანი ფატალური აღმოჩნდა. აღნიშნულ ინფორმაციას ქვეყნის ოპერატიული შტაბი ავრცელებს.

აღსანიშნავია, რომ პანდემიის გავრცელებიდან დღემდე 114 431 ადამიანი დაავადდა კოვიდ 19-ის ინფექციით. საერთო ჯამში, გარდაცვლილთა რაოდენობა 1169-ს შეადგენს. 13 220 ადამიანი გამოჯანმრთელდა ვირუსისგან. 100 042 პაციენტი ამ დრომდე იმყოფება საავადმყოფოებში, რომელთაგან 2300 ხელოვნური სუნთქვის აპარატზეა მიერთებული.

ოპერატიულ შტაბში აღნიშნავენ, რომ კორონავირუსით ინფიცირებულთა 45%-ს სიმპტომები არ აქვს.ადგილობრივი მედიის წარმომადგენლები აცხადებენ, რომ ხელისუფლება გარდაცვლილთა შესახებ ინფორმაციას ქვეყნის მთელ ტერიტორიაზე მალავს. მათი თქმით, რეგიონებშ უამრავი შემთხვევაა ადამიანების პნეუმონიისგან გარდაცვალების, თუმცა ჯანდაცვის ადგილობრივი წარმომადგენლები ამ შემთხვევებს სხვადასხვა ქრონიკულ დაავადებებსა და გრიპის ვირუსს უკავშირებენ. არის მაგალითები, როდესაც ადამიანებს გამოკვლევებს არ უტარებენ და ძალზე გვიან ხდება მათი დიაგნოსტირება, როდესაც ჯანმრთელობის მდგომარეობა უკვე კრიტიკულ დონემდეა მიღწეული.