რუსეთის ზეწოლის გამო, უკრაინაში რეგიონების პარტიაში ევროინტეგრაციასთან დაკავშირებით უთანხმოება იზრდება.

უკრაინული მედია იტყობინება, რომ ალექსანდრე ეფრემოვის (პარტია რეგიონები) ცნობით, პრეზიდენტი გამუდმებით არწმუნებს რეგიონალების დეპუტატებს ევროინტეგრაციის მიმართულებით წასვლისკენ, მაგრამ დისკუსიები ამასთან დაკავშირებით უფრო რთულად მიმდინარეობს ვიდრე ეს მანამდე იყო.

ეფრემოვის თქმით, უკმაყოფილო დეპუტატების რიცხვი მატულობს  რუსეთის მიერ უკრაინაზე ზეწოლის ზრდის პროპორციულად.

„ზეწოლის შედეგად რეგიონების მოსახლეობაში უმუშევრობამ იმატა. რუსეთის ფედერაციის მხრიდან ბიზნესი მანამდე დადებულ კონტრაქტებზე უარს აცხადებს, ჩვენი ამომრჩეველი სვამს კითხვას „რა უნდა ვქნათ ასეთ სიტუაციაში?“ - ამბობს ეფრემოვი.

„ეს სასიცოცხლოდ მნიშვნელოვანი საკითხია იმ ადამიანებისთვის, ვინც აღნიშნულ ტერიტორიებზე ცხოვრობენ, ასეთი ტერიტორიები კი პრაქტიკულად ნახევარი უკრაინაა“, - დასძენს დეპუტატი.