გორის სამხედრო ჰოსპიტლის ექთნის კლასტერი შესაძლოა კიდევ გაფართოვდეს. "ნიუპოსტის" კორესპონდნეტის ცნობით, 3 დადასტურებული შემთხვევის შემდეგ, ლუგარის ლაბორატორიაში დამატებით 23 ნიმუში გაიგზავნა. ამის შესახებ ჟურნალისტებს რეგიონის გუბერნატორმა, გიორგი ხოჯევანიშვილმა განუცხადა. ეპიდემიოლოგები თერგვისში, ფლავსა და კარალეთში დღეს მთელი დღის განმავლობაში მუშაობდნენ და ინფიცირებულების კონტაქტებს სწავლობდნენ.

,,ინფიცირებული 4 ადამიანის გარშემო მყოფი 8 ადამიანი არის გადასული თვითიზოლაციის რეჟიმში. აღებულია დამატებით, 23 ნიმუში. ნიმუშების პასუხებს დაველოდებით სავარაუდოდ ხვალ. პასუხების მიღების შემდეგ გვეცოდინება, თუ რამდენად დიდი იყო ინფიცირებულების კონტაქები და კიდევ თუ რამე რისკი შეიძლება გამოიკვეთოს. ყვლაფრის გათვალისწინებით იმსჯელებს ადგილობრივი შტაბი და რეკომენდაციას მოაწვდის ცენტრალირ საკოორდინაციო საბჭოს, რის შემდეგაც მიიღება ერთობლივი გადაწყვეტილება ნებისმიერი და მათ შორის დაკეტვასთან დაკავშირებით",-აცხადებს გიორგი ხოჯევანიშვილი.

ცნობისთვის, დილიდან თერგვისში საპოლიციო კონტროლი მოქმედებს.