დაავადებათა კონტროლის ეროვნული ცენტრის დირექტორი, ამირან გამყრელიძე აცხადებს, რომ საქართველოს რემდესივირი უკვე შეკვეთილია აქვს.

გამყრელიძე იმედს გამოთქვამს, რომ ქვეყანაში პრეპარატი ძალიან მალე იქნება.

"არის რამდენიმე ურთიერთგამომრიცხავი დაკვნა, თუმცა, ამავე დროს, ძალიან დამაიმედებელი. თუმცა, ძალიან ბევრი კვლევა მიდის ამ პრეპარატთან დაკავშირებით. საქართველოს ეს პრეპარატი უკვე შეკვეთილი აქვს გილიადთან და ჩვენ დიდი იმედი გვაქვს, რომ ქვეყნას ექნება", - თქვა ამირან გამყრელიძემ ბრიფინგზე.

ცნობისთვის, აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელმა, ენტონი ფაუჩმა თქვა, რომ რემდესივირმა COVID-19-თან ეფექტიანობა აჩვენა და პრეპარატს ინფექციის შეჩერება შეუძლია.

ინფექციური საავადმყოფოს დირექტორის, თენგიზ ცერცვაძის განცხადებით კი პრეპარატის მწარმოებელ კომპანია გილიადთან საქართველოს დიდი ხნის თანამშრომლობა აქვს, რადგან C ჰეპატიტის ელიმინაციის პროგრამისთვის მედიკამენტებს სწორედ ეს კომპანია აწვდის.

"ჩვენმა ხელმძღვანელობამ ისარგებლებს ამ პრივილეგიით და უშუალოდ მიმართეს კომპანიას, რომ გაითვალისწინო საქართველოსთან მისი წარმატებული ისტორია. არის იმედი, რომ საქართველოს იქნება ერთ-ერთი პირველი, რომელიც მიიღებს რემდესივირს. თუ გამართლდა ის იმედები, რომელიც დღეს არის და რომელიც დადო ენტონი ფაუჩიმ, მაშინ საქართველო კიდევ უფრო დიდ ნაბიჯს გადადგამს წინ"- განმარტა ცერცვაძემ.