რესპუბლიკური საავადმყოფოს დირექტორის, ლევან გოფოძის განცხადებით, სწრაფი ტესტის მეშვეობით ჟურნალისტების ტესტირება დღეიდან იწყება.

რესპუბლიკური საავადმყოფო საკუთარი ინიციატივით იმ ჟურნალისტებს ჩაუტარებს ტესტს, ვინც დღეს კლინიკაში გადაღებაზე იმყოფებოდა.

„გუშინვე განვაცხადე კლინიკური ჯგუფის შეხვედრაზე, რომ ჩვენ ჟურნალისტების გატესტვა დავიწყეთმეთქი, რადგან დარწმუნებული ვიყავი, რომ გუშინ თქვენ შებრძანდით და ტესტი გაიკეთეთ. რადგან ასე არ იყო, მაშინ დღეს ვიწყებთ ჟურნალისტების გატესტვას“,- მიმართა გოფოძემ ჟურნალისტებს.

მისივე თქმით, თავდაპირველად ჩატარდება სწრაფი ტესტირება, მაგრამ ყველა საეჭვო შემთხვევაში მოხდება გადასვლა „პისიარ“ ტესტებზე.

„ასეთი მიზნობრივი ჯგუფები განისაზღვრება და მიზნობრივ ჯგუფებს ტესტირება ჩაუტარდებათ“, – განაცხადა ლევან გოფოძემ.