საქართველოში კორონავირუსისგან უკვე 168 ადამიანი გამოჯანმრთელდა. განახლებული მონაცემები stopcov.ge -ზე გამოქვეყნდა.

ამ დროისთვის საქართველოში კორონავირუსის 511 შემთხვევაა დადასტურებული, მათ შორის, გამოჯანმრთელდა 168 პაციენტი.

ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.

კორონავირუსის შედეგად ქვეყანაში ექვსი პაციენტი გარდაიცვალა.

კარანტინის რეჟიმში 5085 მოქალაქე იმყოფება, ხოლო სტაციონარში მეთვალყურეობის ქვეშ – 558.