ფინანსთა სამინისტროში აცხადებენ, რომ იმისთვის რომ თვითდასაქმებულებმა კომპენსაცია მიიღონ, არაუგვიანეს პირველი აპრილისა ჯანდაცვის სამინისტროს ელექტრონულ პორტალზე სპეციალური ფორმა უნდა შეავსონ.

უწყების განმარტებით, თვითდასაქმებულებმა უნდა წარადგინონ პირის დამაიდენტიფიცირებელი ინფორმაცია (სახელი- გვარი, პირადი ნომერი), საკონტაქტო ინფორაცია და საბანკო რეკვიზიტები, რომელზეც თანხა ჩაერიცხება. ხოლო არაიდენტიფიცირებულმა თვითდასაქმებულებმა დამატებით უნდა წარადგინონ რაიმე დოკუმენტი, რომლითაც გამოჩნდება, რომ მათ შემოსავლის წყარო ჰქონდათ.