ამერიკის თავდაცვის უწყებამ ოფიციალურად გაასაჯაროვა 3 ჩანაწერი, რომელზეც ასახულია ამოუცნობი მფრინავი საშუალებები. ამის შესახებ წერს CNN-ი. პენტაგონი ადასტურებს, რომ ვიდეობი ნამდვილია. კადრებში ასახულია ამოუცნობი მფრინავი ობიექტი, რომელიც გადაადგილდება- ჩანაწერები გაკეთებულია ინფრაწითელი კამერებით. ორ ვიდეო კადრზე, რომელიც ამერიკის ავიაციის მიერაა მოპოვებული, თვითმფრინავის პილოტეპბი აღნიშნავენ, რომ ზემოხსენებული აპარატი ძალზე სწრაფად მიფრინავს. ერთ-ერთი მათგანის ვერსიით, შესაძლებელია იგი დრონი ყოფილიყო.

ვიდეოფაქტები ინტერნეტში მანამდეც არსებობდა, თუმცა, პენტაგონმა მისი ოფიციალურად გასაჯაროვების გადაწყვეტილება მაღალი საზოგადოებრივი ინტერესიდან გამომდინარე მიიღო. ამერიკის თავდაცვის დეპარტამენტის თქმით, ვიდეოების გამოქვეყნება რაიმე სპეციფიურ გასაიდუმლოებულ ინფორმაციას არ შეიცავს, არც კონკრეტულ სამხედრო საიდუმლო შესაძლებლობებს უსვამს ხაზს და არ აფერხებს მომავალისთვის მსგავსი ფაქტების გამოძიებას.