ბოჭორიშვილის კლინიკის სამეთვალყურეო საბჭოს თავმჯდომარე მაკა სოლოღაშვილი აცხადებს, რომ კლინიკის ბოქსირებულ სექტორში 49 კოვიდინფიცირებული მკურნალობს .

მისი თქმით, აღნიშნული პაციენტებიდან ათი 18 წლამდე ასაკისაა.

„ათი არის 18 წლამდე ასაკის პირი. ასევე სამი მაღალ ასაკობრივ რისკს მიეკუთვნება, ერთი პაციენტი მძიმეა და მკურნალობს რეანიმაციულ განყოფილებაში. 11 პაციენტის მდგომარეობა საკმაოდ საყურადღებოა. დანარჩენები განაგრძობენ მკურნალობას“, – განაცხადა სოლოღაშვილმა.

მისი თქმით, კლინიკას გუშინ 15 პაციენტი დაემატა, 12 თეთრიწყაროდან და სამი ბოლნისიდან. ძირითადი სიმპტომია ცხელება.

„მათგან ნაწილის მდგომარეობა საყურადღებოა“, – აღნიშნა მაკა სოლოღაშვილმა.