პირველ საუნივერსიტეტო კლინიკაში კიდევ ერთი კოვიდინფიცირებული პაციენტი გამოჯანმრთელდა. ინფორმაცია ამის შესახებ სამედიცინო დაწესებულების ფეისბუქის გვერდზე გამოქვეყნდა.

„27 აპრილის მონაცემებით პირველ საუნივერსიტეტო კლინიკაში სულ მოთავსებულია 110 პაციენტი, აქედან კორონავირუსით ინფიცირებულია 87 პაციენტი.

რეანიმაციის მიმართულებაში მკურნალობას გადის 7 პაციენტი. თერაპიულ მიმართულებაში მოთავსებულია 79 პაციენტი. გამოჯანმრთელდა 1 პაციენტი“, – ნათქვამია ინფორმაციაში.

ბოლო მონაცემებით საქართველოში კორონავირუსით ინფიცირებულია 496 ადამიანი, გამოჯანმრთელდა 150 პაციენტი, ხოლო გარდაიცვალა 6.