"კიდევ ერთხელ ძალიან დიდი ბოდიში იმათთან, ვისაც იმედი გავუცრუე და არ არის ქვეყანაში ფართომასშტაბიანი ეპიდემია, ჯერჯერობით", -ასე პასუხობს კრიტიკას დაავადებათა კონტროლის ეროვნული ცენტრის დირექტორის მოდაგილე პაატა იმნაძე.

იგი ამბობს, რომ ინფიცირებულთა და გარდაცვლილთა სტატისტიკა არ იძლევა იმის საფუძველს, რომ მათ ბოდიში მოიხადონ. რაც შეეხება მასობრივ ტესტირებას, მისი თქმით, ამ საკითხს გადაწყეტს გუნდი, რომელიც ამ თემაზე მუშაობს.

"ჩვენი ქვეყნის რესურსების, ტესტების ხარისხის და ეპიდემიოლოგიური სიტუაციის გათვალისწინებით, ტესტები ჩატარდება ისე, როგორც ამას გადაწყვიტავს ის გუნდი ქვეყანაში, რომელიც მართავს სიტუაციას. ჯერჯერობით, მე მგონი, საბოდიშო არ უნდა იყოს ის, რომ საქართველოში ათობით და ასობით ადამიანი დაღპული არ არის. საბოდიშო არ უნდა იყოს, მე მგონი, რომ ათასობით ადამიანი და ათიათასობით ავად არ არის; ის, რომ ჩვენი საავადმყოფოები გადავსებული არ არის.

თუ ეს საბოდიშოა, ბოდიშს მოვიხდით, რა თქმა უნდა; მაგრამ არამგონია, რომ რასაც ამ ეტაპამდე მივაღწიეთ, მივაღწიეთ აი, იმ დაგეგმილი სტრატეგიით", - ამბობს იმნაძე.