თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს ექვსი პაციენტი დატოვებს.

კლინიკის დირექტორის, ლევან რატიანის ინფორმაციით, ამ ეტაპზე რეანიმაციაში 7 პაციენტი იმყოფება. მათგან ორის მდგომარეობა კი კრიტიკულია.

„რაც შეეხება რეანიმაციას, იქ შვიდი პაციენტია. მათგან ორის მდგომარეობა რჩება კრიტიკული. ჰემოდინამიკის რღვევით, ტარდება რეანიმაციული ღონისძიებები. დანარჩენი პაციენტები, რომელბიც სხვადასხვა განყოფილებებში იმყოფებიან, ამ ეტაპზე მათი მდგომარეობა სტაბილური რჩება, გარტულებების გარეშე.

რაც შეეხება დღეს კლინიკას ექვსი პაციენტი ტოვებს კორონავირუსის გარეშე“, – განაცხადა ლევან რატიანმა.

ბოლო მონაცემებით, საქართველოში კორონავირუსით ინფიცირებულია 485 ადამიანი, მათგან 136 გამოჯანმრთელებულია, ხოლო 6 გარდაცვლილი. კარანტინის რეჟიმში 4 928 ადამიანი იმყოფება, სტაციონარში მეთვალყურეობის ქვეშ - 522.