პოლონეთი აპირებს სპორტულ ღონისძიებებზე კორონავირუსით დაწესებული შეზღუდვები მოხსნას. ხელისუფლების გადაწყვეტილებით, ღია სათამაშო მოედნები გაიხსნება სხვადასხვა სპორტული სახეობის, განსაკუთრებით კი ეროვნულ საფეხბურთო ლიგაში წლევანდელი სეზონის დასასრულებლად.

გავრცელებული ინფორმაციით, 4 მაისს გაიხსნება ღია სპორტული სტადიონების ნაწილი, რომლის ფარგლებში უმაღლესი ლიგის ფეხბურთის გუნდებს საშუალება მიეცემათ თვის ბოლოდან ჩემპიონატი განაახლონ.

პოლონეთმა იზოლაციის შემსუბუქების პროცესი ჯერ კიდევ აპრილის დასაწყისში დაიწყო, რომლის მიზანი დაზიანებული ეკონომიკის აღდგენაა. ხელისუფლების გაცემული რეკომენდაციების თანახმად, დამსვენებელთათვის გაიხსნა ტყეები და პარკები და სხვადასხვა სახის წვრილმანი მაღაზიები.

„სპორტი უმნიშვნელოვანესი ნაწილია ჩვენი ეკონომიკისთვის, რომელსაც უდიდესი წვლილი შეაქ ჯანდაცვის სისტემის გაჯანსაღებაში. ჩვენ ვიცით, თუ რაოდენ მნიშვნელოვანია სტაბილური და ნორმალური მდგოამრეობის აღდგენის პროცესი“- განაცხადა პრემიერ მინისტრმა მათეუშ მორავიეცკიმ მედიასთან საუბრისას.

შეგახსენებთ, რომ პოლონეთში კოროანვირუსით დაინფიცირების 11 000-ზე მეტი შეთხვევაა, რომელთაგან 500 ფატალური აღმოჩნდა. 2126 პაციენტი უკვე განიკურნა და გაიწერა საავადმყოფოებიდან