ჩინეთმა ჩრდილოეთ კორეაში კიმ ჩენ ინის ჯანმრთელობის მდგომარეობის გაუარესების გამო მედიკოსთა ჯგუფები გაგზავნა. სამხრეთ კორეულ მედიაში ვრცელდება ინფორმაცია, რომ კომუნისტური რეჟიმის ლიდერის მდგოამრეობა უმძიმესია და მის სიცოცხლეს საფრთხე ემუქრება.

იმის გამო, რომ კიმი მნიშვნელოვან ღონისძიებებს მათ შორის, თავისი ბაბუის დაბადების დღის აღნიშვნის ცერემონიალს არ დაესწრო ძალზე ბევრი კითხვა გააჩინა საზოგადოებასა და საერთაშორისო მედიაში მის მდგომარეობასთან დაკავშირებით.

ერთ-ერთი ვერსიით კიმს გულზე ოპერაცია დასჭირდა. ჰონგ-კონგური მედია ავრცელებს აგრეთვე დაუზუსტებელ ინფორმაციას რომ კორეელი პოლიტიკოსის მდგომარეობა კრიტიკული იყო, რის გამოც მას გულზე სასწრაფო ოპერაცია დასჭირდა. ამერიკული მედია აცხადებს, რომ კორეის ტელევიზიაში გასართობი გადაცემები შეწყვიტეს , ბოლო ინფორმაციით კი საერთოდ გათიშეს მაუწყებლობა ტელევიზიებში. არსებობს აგრეთვე გარკვეული ვერსიები მის გარდაცვალებასთან დაკავშირებით, თუმცა აღნიშნული ფაქტი ჯერ არ დასტურდება.