შვეიცარიაში, მოზარდს ჯიბეში samsung galaxy s3 აუფეთქდა.

შედეგად მოზარდმა მესამე ხარისხის დამწვრობა მიიღო.

18 წლის ფანი შლატერი კორეულ მწარმოებელს სასამრთლოში უჩივის. გავრცელებული ინფორმაციით, გოგონა სამსახურში იყო, როდესაც მისი ჯიბიდან აფეთქების ხმა მოესმა.

„ხმა მომესმა და შემდეგ მივხვდი, რომ ჩემს შარვალს, მარჯვენა ჯიბეს, ცეცხლი ეკიდებოდა“, - აღნიშნავს შლატერი.

აღნიშნულის დანახვისთანავე, თანამშრომლები გოგონას დაეხმარნენ. ცეცხლი შლატერის მხრებამდე აღწევდა.

„საბედნიეროდ თმები აწეული მქონდა და ვეღარ დამეწვა“, - აღნიშნა დაზარალებულმა.

კომპანიის ოფიციალური წარმომადგენლობა კი აცხადებს, რომ აღნიშნულს გმოიძიებენ და მიზეზების შესწავლას შეუდგებიან.