„სანამ ვირუსი ჩინეთის ყველა პროვინციაში გავრცელდებოდა, კომუნისტური მთავრობა ინფორმაციის გამავრცელებლებს აჩუმებდა... კორონავირუსის ყველა პირველი მონაცემი გაანადგურეს“

„სანამ ვირუსი ჩინეთის ყველა პროვინციაში გავრცელდებოდა, კომუნისტური მთავრობა ინფორმაციის გამავრცელებლებს აჩუმებდა... კორონავირუსის ყველა პირველი მონაცემი გაანადგურეს“ - მაიკ პომპეო

მსოფლიო - 13:42, 23 Apr, 2020

1343

მაიკ პომპეომ თეთრ სახლში გამართულ პრესკონფერენციაზე ვირუსის გავრცელებისა უშუალო კვალზე ისაუბრა, სადაც იგი ოფიციალურ პეკინს ადანაშაულებს ინფორმაციის დამალვაში.

"გვჯერა, რომ ჩინეთის კომუნისტურმა მთავრობამ ჯანდაცვის მსოფლიო ორგანიზაციას კოროანვირუსის შესახებ ინფორმაცია დროულად არ მიაწოდა. დაიმალა ინფორმაცია, თუ რამდენად საშიში იყო ეს ვირუსი. აგრეთვე დაიმალა ინფორმაცია, რომელიც ცხადჰყოფდა, რომ კოვიდ 19 ადამიანიდან ადამიანზე ვრცელდებოდა" - განაცხადა მაიკ პომპეო.

"მანამ სანამ ვირუსის გადადების შემთხვევები ჩინეთის ყველა პროვინციაში არ დაფიქსირდა, ჩინეთის ხელისუფლებამ შეამოწმა და გააკონტროლა ყველა ადგილობრივი ექიმი და ექსპერტი, ვინც კი ცდილობდა, მსოფლიოსთვის ვირუსის შესახებ ინფორმაცია მიეწოდებინა. ჩინეთში გაანადგურეს ყველა პირველი მონაცემი კორონავირუსის გავრცელებასთან დაკავშირებით".

ოფიციალური ვაშინგტონი აგრეთვე ჩინეთს ე.წ. სველი ბაზრების სამუდამო დახურვისკენ მოუწოდებს. გამოცემა Reuters-ის. ინფორმაციით, ამის მიზეზი ბაზრების კორონავირუსთან კავშირია.

„სველ ბაზრებზე არალეგალურად გაყიდული ველური ცხოველების და ზოონოტიკური დაავადებების კავშირიდან გამომდინარე, შეერთებულმა შტატებმა ჩინეთის რესპუბლიკას მოუწოდა, ველური ბუნების სველი ბაზრები და ყველა ის ბაზარი, სადაც ველური ცხოველები არალეგალურად იყიდება სამუდამოდ დახუროს“, - განაცხადა აშშ-ის სახელმწიფო მდივანმა მაიკ პომპეომ.