თენგიზ ცერცვაძე: მოდი, 10-14 დღე განვამტკიცოთ მიღწეული შედეგი და შემდეგ დავიწყოთ ზომების შერბილება

COVID-19 - 20:42, 21 Apr, 2020

501

თბილისის ინფექციური საავადმყოფოს დირექტორი თენგიზ ცერცვაძე კორონავირუსის პრევენციის მიზნით დაწესებულ შეზღუდვებზე კომენტარს აკეთებს. იგი აცხადებს, რომ სასურველია თუ კი

2-3 კვირა არ შემსუბუქდეს ზომები.

"დიახ, დილემის წინაშე ვართ... ძნელია, ეკონომიკური რეცესიაა მოსალოდნელი, შემდეგ უკვე იმის აწონ-დაწონვა, თუ რომელი უფრო მძიმე ზიანის მომტანია ქვეყნისთვის - ავადმყოფთა რაოდენობა თუ ეკონომიკური რეცესია, ეს ძნელი სათქმელია. მე ვისურვებდი, რომ 2-3 კვირა არ შემსუბუქდეს ზომები, იმიტომ, რომ ჩვენ ახლა დავიჭირეთ ძალიან კარგი მომენტი. არც ახლა გვაქვს ამ შეზღუდვების იდეალურად მკაცრი შესრულება, თქვენ ხედავთ, რომ რამდენიმე ადამიანი მაინც იკრიბება, მეგობრები, ქუჩაში მაინც დადიან, მაგრამ მაინც დავიჭირეთ ის მომენტი, როდესაც რეალურად ხელს ვუშლით დაავადების გავრცელებას. მე არ ვისურვებდი, რომ ეს შეგვერბილებინა. მოდი, ერთი ათი დღე, ორი კვირა კიდევ განვამტკიცოთ ეს მიღწეული შედეგი და შემდეგ დავიწყოთ შერბილება, ეს პირადად ჩემი აზრია, ან თუ შერბილება მოხდება, პარალელურად უნდა ამაღლდეს ჩვენი მოქალაქეობრივი პასუხისმგებლობა" - ამბობს ცერცვაძე.