ინფექციური საავადმყოფოს დირექტორი თენგიზ ცერცვაძე განმარტავს რა შემთხვევაში იყენებენ პრეპარატ პლაქვენილს.

ცერცვაძის მტკიცებით, ინფიცირებულ პაციენტს მედიკამენტ პლაქვენილს მწვავე რესპირაციული ინფექციის სიმპტომებისას აძლევენ.

მედიკოსმა იმპტომებიც დაასახელა: ცხელება (ტემპერატურა) 38° და მეტი; ძლიერი ხველა; ძლიერი საერთო სისუსტე; გონების დაბინდვა და შეცვლა; რენდგენოლოგიური პნევმონია.

პლაქვენილით მკურნალობის საკითხზე აშშ-ში მოღვაწე ქართველმა ექიმმა, ზურაბ გურულმა ისაუბრა, მისი თქმით, მედიკამენტს საქართველოში უსიმპტომო პაციენტებსაც აძლევენ, რაც არ შეიძლება.

გურულის ეს განცხადება დღეს თენგიზ ცერცვაძემ არ დაადასტურა.

ცერცვაძე აცხადებს, რომ სიმართლეს არ შეესაბამება ინფორმაცია, რომ ამირან გამყრელიძის შვილს, სიმპტომების გარეშე უმკურნალეს პლაქვენილინით.

ცერცვაძის თქმით, პაციენტს ორმხრივი პნევმონია ქონდა და ის ინფექციურ საავადმყოფოში 28 დღე მკურნალობდა.