მაღაზია "დეილის" ადმინისტრაცია სიცხიან კონსულტანტს მუშაობას აიძულებდა - თვითიზოლაციაში გადასვლის შემდეგ კი სამსახურიდან გაათავისუფლეს

COVID-19 - 16:12, 21 Apr, 2020

959

მამაკაცი, რომელსაც კორონავირუსის სიმპტომები აქვს და თვითიზოლაციაში იმყოფება მაღაზიათა ქსელ "დეილის" გორის ფილიალის ადმინისტრაციას ადამიანის უფლებების დარღვევაში ადანაშაულებს. ჯაბა რომელაშვილის მტკიცებით, იგი სმსახურიდან იმიტომ გაათავისუფლეს, რომ ექიმის რეკომენდაციით თვითიზოლაციაში გადავიდა.

რომელაშვილი აცხადებს, რომ მაღაზიაში კონსულტანტებს თერმო სკრინინგს უტარებენ, თუ რომელიმეს მაღალი ტემპერატურა აღმოაჩნდება მათ მუშაობას აიძულებენ, რომ იმუშავონ და აღწერის ჟურნალში, დაბალ ტემპერატურას წერენ.რომელაშვილის განცხადებით ასე მოხდა მის შემთხვევაშიც.იგი ყვება, რომ ჰქონდა თავის ტკივილი და სიცხეები, თუმცა ადმინისტრაცია აუძულებდა რომ ემუშავა.
"სიცხე მიფიქსირდებოდა 37 გრადუსი. მერე მოხდა ისე, რომ გავბრაზდი, რომარ მაძლევდნენ საშუალებას მიმემართა 112-ისთვის." - განაცხადა რომელაშვილმა
მაღაზიის მენეჯერმა ჯაბა რომელაშვილის მიერ გაჟღერებული ინფორმაცია უარყო და განაცხადა, რომ ჯაბა რომელაშვილი თავისით წავიდა სამსახურიდან.
"სიცხიანი არ ყოფილა ჩემი თანამშრომლები. სიცხე არ არის 37. ეეთი არანაირი შემთხვევა არ ყოფილა. მე ჯაბა არ გამიშვია სამსახურიდან. ის ადგა და წავიდა" - განაცხადა მაღაზიის მენეჯერმა.
თუ ახალგაზრდა მამაკაცის სიტყვები დადასტურდა და აღმოჩნდა, რომ ის ნამდვილად თვითიზოლაციაში გადასვლის გამო გაათავისუფლეს სამსახურიდან, ადამიანის უფლებათა ცენტრის გორის ოფისი მზადაა მას იურიდიული დახმარება გაუწიოს. ამის შემდგომ კი გამორიცხული არ არის, რომ "დეილის" წინააღმდეგ დავა სასამართლოში გაგრძელდეს.