მესტიის მუნიციპალიტეტში მომხდარ მკვლელობას, რომელსაც მესაზღვრე ბესიკ იოსელიანი ემსხვერპლა, მულახის თემის რწმუნებული სოსო ზურაბიანი ეხმაურება.

ზურაბიაი აცხადებს, რომ გარდაცვლილს 4 შვილი დარჩა.

"იოსელიანი იყო ძალიან კარგი ახალგაზრდა. როგორც ჩანს აღდგომის დღესასწაული აღნიშნეს. ბრალდებულიც ჩვენი სოფლიდანაა, ისიც მესაზღვრედ მუშაობს. გარდაცვლილს, 4 შვილი დაუობლდა“, – ამბობს სოსო ზურებიანი.

შეგახსენებთ, ინციდენტი სასაზღვრო პოლიციის ტანამშრომლებს შორის გუშინ მესტიაში მოხდა. შემთხვევას წინ შელაპარაკება უძღოდა, რა დროსაც სასაზღვრო პოლიციის ერთი თანამშრომელი ცეცხლსასროლი იარაღიდან გასროლით დაიღუპა. სავარაუდო დამნაშავეს პოლიცია ამ დრომდე ეძებს.

მომხდარ ფაქტზე გამოძიება 108-ე , განზრახ მკვლელობის მუხლით დაიწყო.