მთელ მსოფლიოში კორონავირუსის ვაქცინის შექმნასთან დაკავშირებით რამდენიმე პრეპარატის კლინიკური გამოცდა მიმდინარეობს. განვითარებული ქვეყნების მეცნიერები იბრძვიან სხვადასხვა პრევენციულ მეთოდზე, რომლითაც ცდილობენ ვირუსის დამარცხებას. ამის შესახებ სტატიას ამერიკული სამეცნიერო საიტი აქვეყნებს.

მეცნიერებმა მიაკვლიეს იმ ფაქტს, რომ 1 საუკუნის წინანდელი ვაქცინა, რომელიც ტუბერკულოზის წინააღმდეგ ფილტვების სამკურნალოდ გამოიყენებოდა , შესაძლოა ეფექტური იყოს კორონავირუსისგან თავდასაცავად. რამდენიმე ანალიზის საფუძველზე დგინდება, რომ ის ქვეყნები, სადაც აღნიშნული ვაქცინა, სახელად ბცჟ აქტიურად გამოიყენებოდა, კოვიდ 19-ისგან ნაკლებად დაზარალდნენ.

ათეულობით ქვეყანაში, მათ შორის იაპონიასა და ჩინეთში ბცჟ-ს ვაქცინა სავალდებულო ხასიათს ატარებდა ახალშობილი ბავშვების აცრისთვის. აღნიშნული პრეპარატი აგრეთვე აქტიურად გამოიყენებოდა განვითარებად ქვეყნებში, მათ შორის საქართველოში. ბევრ ევროპულ განვითარებულ სახელმწიფოში, როგორიცაა ესპანეთი, საფრანგეთი, და შვეიცარია, შეაჩერეს აღნიშნული აცრის სავალდებულობა, რადგანაც მთავრობების გადაწყვეტილებით, ტუბერკულოზის მასობრივი გავრცელების საფრთხე შემცირებული იყო.

მეცნიერების აზრით, ბცჟ-ს გააჩნია იმუნიტეტის საგრძნობლად გაძლიერების უნარი, რომელიც სხვადასხვა რესპირატორულ ინფექციებს ორგანიზმში მოხვედრისას თრგუნავს. სწავლულებმა დაკვირვებების ფონზე აღმოაჩინეს დასავლეთ აფრიკულ ქვეყანა გვინეა ბისაუში, რომ აღნიშნული პრეპარატი ამცირებს ადამიანებში სიკვდილიანობის რისკს 50 %-მდე სხვადასხვა დაავადებებისგან- იგულისხმება რესპირატორული ინფექციები, მათ შორის სეფსისი-სისხლის მოწამვლა და ა.შ. სხვა სამედიცინო დაკვირვების თანახმად, აგრეთვე იგივე შედეგს მიაკვლიეს ცხოველებზეც.

შეგახსენებთ, რომ ბცჟ-ს ვაქცინა შექმნილი იყო იმისთვის, რათა ტუბერკულოზის ბაქტერიები დაესუსტებინათ და მისი ორგანიზმში გავრცელებაც შეეჩერებინათ. პრეპარატი 1920 წელს შექმნეს საფრანგეთში, რომელიც მთელი მსოფლიოს მასშტაბით იქნა გაგზავნილი.