საფრანგეთის ყველაზე ასაკოვანი ექიმი, 98 წლის კრისტიან შენე კორონავირუსის პანდემიის მასშტაბური გავრცელების ფონზე უარს აცხადებს თავისი სტეტოსკოპის „გვერდზე გადადებასა“ და პაციენტების მკურნალობის შეწყვეტაზე. ამის შესახებ ინფორმაციას ავრცელებს ამერიკული მედია. მიუხედავად იმისა, რომ იგი მალე თავის 99 წლის დაბადების დღეს იზეიმებს, ჯერ კიდევ აქტიურად მკურნალობს ადამიანებს, რომელთაც კოვიდ 19 ემუქრება.

მას შემდეგ, რაც შენემ კორონავირუსის სავარაუდო სიმპტომები იგრძნო, 2 კვირიან იზოლაციაში იმყოფებოდა. იგი ამჟამად ვირტუალურ კონსულტაციებს მართავს იმ პაციენტთათვის, რომელთაც ათწლეულების განმავლობაში მკურნალობდა.

სტატიაში აღნიშნულია, რომ იგი აგრეთვე აქტიურად სტუმრობს პენსიონერთა თავშესაფარს, სადაც ხანდაზმულთა ჯანმრთელობის მდგომარეობას ამოწმებს და საჭიროების შემთხვევაში მათ კონკრეტულ დახმარებებს უწევს.

მან როიტერსთან საუბარში აღნიშნა: „ თუ მექნებოდა ჩემი ქირურგიული კაბინეტი, მას გამოვიყენებდი ვირუსის კვლევის ლაბორატორიად, სადაც ინფექციას გამოიკვლევდნენ“.

შეგახსენებთ, რომ საფრანგეთი ევროპაში კორონავირუსის გავრცელების ერთ-ერთ მთავარ კერად მიიჩნევა, სადაც დაავადებულთა რაოდენობა 147 000-ზე მეტია, რომელთაგან 18 861 ფატალური შემთხვევით დასრულდა.