ზუგდიდისა და ცაიშის, ავსტრიისა და გერმანიის მიტროპოლიტმა, გერასიმე შარაშენიძემ ზუგდიდის საკათედრო ტაძარში გარდამოხსნის წირვის დაწყებამდე კომანტარი გააკეტა.

სასულიერო პირმა, განაცხადა, რომ ზუგდიდისა და ცაიშის ეპარქიის ყველა ტაძარში წირვა კვირას, დილის შვიდი საათიდან ჩატარდება, ღამისთევის მსახურება არ იქნება, რადგან ადამიანები ვერ მოახერხებენ მოსვლას

მიტროპოლიტ გერასიმეს თქმით, ღამისთევის წირვის ჩატარების დრო მთავრობის გადაწყვეტილების გამო შეიცვალა.

„ეს ხელისუფლების გადაწყვეტილებაა, იცავს ყველანაირად ადამიანის უფლებებს, ადამიანების ჯანმრთელობას...ყველა ადამიანმა თვითონ უნდა გადაწყვიტოს მივა თუ არა ეკლესიაში. ადამიანებმა უნდა გაითვალისწინონ ჩვენი მედიკოსების რეკომენდაციები“, – აღნიშნა მიტროპოლიტმა გერასიმე შარაშენიძემ.

მისივე თქმით, რაც შეეხება მრევლის ტაძრებში მისვლას, ამას ეპარქია ვერ უზრუნველყოფს.