ექიმი-ინფექციონისტ რევაზ მეჭურჭლიშვილის თქმით, კორონავირუსთან ბრძოლის მნიშვნლოვანი იარაღი არის სახლში დარჩენა და სოციალური დისტანციის დაცვა. ამის შესახებ რევაზ მეჭურჭლიშვილმა "დღის კურიერის" ეთერში ისაუბრა

"იტალია, გერმანია, ამერიკა ბევრად განვითარებულია ჩვენზე, მათი ჯანდაცვის სისტემა ჩვენსას 10 თავით აღემატება და ის სცენარი, რაც იქ წავიდა, ჩვენთან რომ დაიწყოს, ამისთვის ნამდვილად არ ვართ მზად, როგორც ქვეყანა, ისე ჯანდაცვის სისტემა და გვექნება უამრავი მსხვერპლი," - განაცხადა რევაზ მეჭურჭლიშვილმა.

ექიმი-ინფექციონისტის თქმით, საკმაოდ დიდი რისკს შეიცავს რელიგიურ დღესასწაულებზე ადამიანების თავშეყრა, იმის მიუხედავად, რომ ეკლესიები სოციალური დისტანციის დაცვის პირობას იძლევიან.

"ეს მაინც ძალიან დიდი რისკია და ამ რისკის გაწევა, ამ მომენტში არ ღირს ჩემი აზრით, ვფიქრობ რომ მრევლი არ უნდა მივიდეს ამ აღდგომას ეკლესიაში, შეგვიძლია ეს ერთი წელი ისე გადავატაროთ, სახლში ვილოცოთ, და ეკლესიებში ჩვენთვის ილოცონ სასულიერო პირებმა,"- განაცხადა მეჭურჭლიშვილმა.

მისი თქმით, უკვე შეიძლება იმის თქმა, რომ ქვეყანა კორონავირუსი გავრცელების პიკის ფაზაშია