ადამიანებს, რომლებიც საერთო კოვზით ეზიარებიან, შეიძლება 2 კვირით განმარტოებულები იყვნენ - ამის შესახებ ნიქოზისა და ცხინვალის მიტროპოლიტი ისაია საუბრობს.

სასულიერო პირმა "ფორმულას" განუცხადა, ამით ეს ადამიანები პატივისცემას გამოიჩენენ იმათ მიმართ, ვისაც ზიარება კორონავირუსის გავრცელების საფრთხედ მიაჩნიათ.

"ზოგს შეიძლება ასე სჯერა და რწმენა აქვს, რომ ვინც ეზიარება მას არაფერი არ ემუქრება და არც სხვას არ გაუხდის საფრთხეს, მაგრამ სხვა შეიძლება წუხს ამაზე. თუნდაც იმისთვის, რომ სხვის შიშს და სიფრთხილეს რომ პატივის სცე, ამისთვის კი შეიძლებოდა, რომ ეზიარება ადამიანი, ორი კვირა განმარტოვებით იყოს. რაღაც სამადლობელი შესწიროს უფალს იმისთვის, რომ ეზიარა. თვითონ რომ შეგეყრება შეიძლება ეს უფრო ნაკლები განსაცდელია, ვიდრე ის, რომ სხვას ჩააგდებ საფრთხეში", - ამბობს მეუფე ისაია.