"ძალიან გთხოვთ, დავრჩეთ სახლში, რომ ერთმანეთს გავუფრთხილდეთ და ვაჩუქოთ სიცოცხლე"- მარინა ეზუგბაიას ემოციური მიმართვა

COVID-19 - 11:04, 17 Apr, 2020

714

ინფექციური საავადმყოფოს კლინიკური დირექტორი მარინა ეზუგბაია მოქალაქეებს სახლში დარჩენისკენ კიდევ ერთხელ მოუწოდებს.

ეზუგბაიას თქმით, სოციალური დისტანცირება აუცილებელია ერთმანეთის ჯანმრთელობისა და სიცოცხლის გადასარჩენად:

"გუშინ ყველამ მოვისმინეთ, რომ გარკვეულწილად ძალიან გამკაცრდა შეზღუდვები. ამ გამკაცრებას იწვევს ის, რომ შიდა გავრცელება უფრო აქტიურ ფაზაში შევიდა თითქოს. აქედან გამომდინარე ეს "თითქოს", რომ არ გამყარდეს და ჩვენ გარკვეულწილად შევინარჩუნოთ ზომიერი კონტროლირებადი მატება, აუცილებელია, დავემორჩილოთ ამ გამკაცრებულ ღონისძიებებს და გთხოვთ ყველას, რომ დავრჩეთ სახლში აუცილებლად, ეს გვეხება თითოეულ ჩვენთაგანს. ჩვენი დაწესებულება უკვე მესამე თვეა დაახლოებით ასეთ მდგომარეობაში ვართ "დარჩით სახლშია" იმიტომ, რომ ჩვენ - მე და ჩემი თანამშრომლები უკვე მესამე თვეა ძირითადად ვცხოვრობთ ცენტრში. შეიძლება ეს იყოს ძალიან რთული, მაგრამ ეს უნდა შევასრულოთ აუცილებლად, დავრჩეთ უნდა სახლში, რომ ერთმანეთს გავუფრთხილდეთ, ერთმანეთს ვაჩუქოთ სიცოცხლე, ქვეყანა გადავარჩინოთ რყევებისგან და ხვალ გვქონდეს ნათელი და კარგი მომავალი, ძალიან გთხოვთ დავრჩეთ სახლში," - განაცხადა მარინა ეზუგბაიამ.