პირველი საუნივერსიტეტო კლინიკის ხელმძღვანელმა ლევან რატიანმა განაცხადა, რომ 82 წლის პაციენტი, რომლის მდგომარეობა შედარებით ძმიმე იყო, უკვე გამოჯანმრთელდა და დღეს სახლში გაეწერა.

„ასევე გაეწერენ ორსულები. ერთი წავიდა გუშინ, ერთი - დღეს. ასევე გვყავს სამი ახალშობილი, რომელთა მდგომარეობა სტაბილურია, კლინიკური გამოვლინებების გარეშე. რაც შეეხება 81 პაციენტს, მათგან 9 არის რეანიმაციულ განყოფილებაში, 5 პაციენტის მდგომარეობა არის კრიტიკული. ისინი ფილტვის ხელოვნურ ვენტილაციაზე არიან, მათ შორის სამის მდგომარეობა მკვეთრად დამძიმებულია, უარყოფითი დინამიკით, ვინაიდან აღენიშნებათ ფილტვის მწვავე უკმარისობა და გულის მწვავე დაზიანების სინდრომი“, - განაცხადა ლევან რატიანმა.